مواقف بعض البنات في(الخطبه)

تقول وحده :
انه يوم جاء يشوفني خطيبي كنت لابسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت قييييييييييييييط وإلا التنوره انشقت من ورى .. خخخ >>> لا تضحكين ضحكتي من سرك بلا <<<< طيب أوووف



يالله وش أسوي ؟؟



جلست وأنا أقول لنفسي يالله وشلون بقوم ؟؟!! <<<< تورطت خخخخ >> أنا وش قلت <<< يارب صبرك طيب



وخطيبي جالس ماقام .. مستانس وش وراه .. وأبوي يناظرني والشرر يتطاير من عيونه ويااشرلي عشان أقوم وأنا خلااااااااص لازقه في الكرسي وما أقدر أقوم لو قمت بتطلع بلاوي ..



وطبعا أختكم في الله جالسه ومنزله عيونها في الأرض وكنها ما تدري عن أبوها ذا اللي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع



صااااااااااااااااااروخ على غرفتي قبل لا يشوفني أبوي ويأدبني ....




× × × × ×





والثانية تقول :
أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي مشيت
بســـــــــرعه بالصينية وهو يقول (( لحظه .. لحظه .. أبغى واحد لو سمحتي )) .. <<< ما عندها وقت




× × × × ×





والثالثة تقول :
يوم دخلت أشوف خطيبي ومعي صينيه العصير تفجأت فيه يصرخ بقوه .. مشاء الله مشاء الله .. وقام وقف قدامي وهو يردد .. مشاء الله مشا الله .. أنا خفت وش ذا المهبوول قمت أصارخ وطلعت أبكي وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي .. مشاء الله مشاء الله .. < خخخ ماشااف خير




× × × × ×





والرابعة تقول :
أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط الأغراض في الحوش
وناداني ... يامنيييييييييييييره تعالي شيلي الأغراض ...
جيت وأنا لابسه قميص البيت وشعري منفوش (( يعني وحده في البيت كيف شكلها يكون؟؟!! ))المصيبة مو في ملابسي ولا في كشتى المصيبة إني جيت افحط بالعربية < < والله أني رحمتهااااا من جد



واخوي يحاول يهديني ويقول : ... يامنــــــــــيره أعقلي , بشوييييييييييييييش ... وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..




× × × × ×





وتقول أخرى ,,
جا خاطب ودخلت وابوي جالس قدامي وعشاني اناظر بالارض جت عيني على جزمة ابوي الله يكرم السامعين والا ابوي الله يخليه لابس كل وحدة شكل لا واللون ما يقرب لبعض ويمسكني الضحك وعاد لما يمسكني انا خلاص الدنيا كلها ما تسكتني



طبعا ابوي انصدم والخاطب انصدم اكثر ولولا مو ابوي احب أب بالدنيا كان اكيد عطاني مية كــــف بساعتها بس انا طلعت وابوي طلع وراي وقلتله ليش اضحك وسامحني ورجع اضطر يقول للخاطب ليش اضحك عشان مشاعره .. مسكين الرجال يمكن حسب اني اضحك عليه
انا توقعت الخاطب ما يرجع بس رجع و انا رفضت ..ههههـ

منقول لعيونكم

هههه

مواقف مضحكه مرره

تسلمين على الموضوع

العفوو ادمن

شكرا لك

عفوا يـــا دلع

ههههه تسليمن حبيبتي

الله يعاقيك

شكولاته ملونه كتب:عفوا يـــا دلع

الله يعافيك
يا شوكلاته ملونه